ദീപിക 139-ാം വാര്‍ഷികാഘോഷവും അവാര്‍ഡ് ദാനവും ഇന്ന്
Saturday, May 17, 2025 2:06 AM IST
കോട്ടയം: ദീപികയുടെ 139-ാം വാര്‍ഷികാഘോഷവും എക്‌സലന്‍സ് അവാര്‍ഡ് ദാനവും ഇന്ന് കുമരകം ബാക്‌വാട്ടര്‍ റിപ്പിള്‍സ് റിസോര്‍ട്ടില്‍ നടക്കും.
വൈകുന്നേരം ആറിന് ചങ്ങനാശേരി ആര്‍ച്ച്ബിഷപ് മാര്‍ തോമസ് തറയിലിന്‍റെ അധ്യക്ഷതയില്‍ നടക്കുന്ന സമ്മേളനം ഗവര്‍ണര്‍ രാജന്ദ്ര വിശ്വനാഥ് അര്‍ലേക്കര്‍ ഉദ്ഘാടനം ചെയ്യുകയും എക്‌സലന്‍സ് അവാര്‍ഡുകള്‍ സമ്മാനിക്കുകയും ചെയ്യും.
മന്ത്രി വി.എന്‍. വാസവന്‍, മുഖ്യ പ്രഭാഷണം നടത്തും. മന്ത്രി പി. പ്രസാദ്, തിരുവഞ്ചൂര്‍ രാധാകൃഷ്ണന്‍ എംഎല്‍എ എന്നിവര്‍ പ്രസംഗിക്കും. രാഷ്‌ട്രദീപിക ലിമിറ്റഡ് മാനേജിംഗ് ഡയറക്‌ടര്‍ ഫാ. മൈക്കിള്‍ വെട്ടിക്കാട്ട് സ്വാഗതം പറയും. ദീപിക ചീഫ് എഡിറ്റര്‍ റവ. ഡോ. ജോര്‍ജ് കുടിലില്‍ കൃതജ്ഞത അര്‍പ്പിക്കും.