തൊ​ടു​പു​ഴ: മാ​രി​യി​ൽ ക​ലു​ങ്ക് പാ​ല​ത്തി​ന്‍റെ അ​പ്രോ​ച്ച് റോ​ഡ് നി​ർ​മാ​ണം പു​രോ​ഗ​മി​ക്കു​ന്നു. റോ​ഡി​ന്‍റെ വ​ശ​ങ്ങ​ളി​ൽ ക​രി​ങ്ക​ൽ​ക്കെ​ട്ടാ​ണ് ഇ​പ്പോ​ൾ നി​ർ​മി​ക്കു​ന്ന​ത്. ക​രി​ങ്ക​ൽ കെ​ട്ട് നി​ർ​മാ​ണം പൂ​ർ​ത്തി​യാ​യാ​ലും കാ​ല​വ​ർ​ഷം അ​ടു​ത്തെ​ത്തി​യ​തി​നാ​ൽ ടാ​റിം​ഗ് ന​ട​ത്താ​ൻ പി​ന്നെ​യും വൈ​കു​മെ​ന്നാ​ണ് സൂ​ച​ന. റോ​ഡി​ന്‍റെ ഇ​രു വ​ശ​ത്തും ക​രി​ങ്ക​ൽ കെ​ട്ട് നി​ർ​മി​ക്കു​ന്ന ജോ​ലി​ക​ൾ വേ​ഗ​ത്തി​ൽ പൂ​ർ​ത്തി​യാ​ക്കാ​നാ​ണ് ല​ക്ഷ്യ​മി​ടു​ന്ന​ത്.

പാ​ലം നി​ർ​മാ​ണം ന​ട​ത്തി​യ മൂ​വാ​റ്റു​പു​ഴ​യി​ലെ സ്വ​കാ​ര്യ ക​രാ​ർ ക​ന്പ​നി​യാ​ണ് അ​പ്രോ​ച്ച് റോ​ഡും നി​ർ​മി​ക്കു​ന്ന​ത്. എ​ന്നാ​ൽ അ​പ്രോ​ച്ച് റോ​ഡ് നി​ർ​മാ​ണം പൂ​ർ​ത്തി​യാ​യി പാ​ലം ഗ​താ​ഗ​ത​ത്തി​നു തു​റ​ന്നു ന​ൽ​കി​യാ​ൽ കാ​ഞ്ഞി​ര​മ​റ്റം ജം​ഗ്ഷ​നി​ൽ ക​ടു​ത്ത ഗ​താ​ഗ​ത​ക്കു​രു​ക്ക് ഉ​ണ്ടാ​കു​മെ​ന്ന ആ​ശ​ങ്ക ഇ​പ്പോ​ൾ​ത്ത​ന്നെ ഉ​ട​ലെ​ടു​ത്തു ക​ഴി​ഞ്ഞു.

മാ​രി​യി​ൽ ക​ലു​ങ്ക് പാ​ലം നി​ർ​മാ​ണം പൂ​ർ​ത്തി​യാ​യി​ട്ട് ഒ​ൻ​പ​തു വ​ർ​ഷ​ങ്ങ​ൾ ക​ഴി​ഞ്ഞെ​ങ്കി​ലും അ​പ്രോ​ച്ച് റോ​ഡി​ല്ലാ​ത്ത​തി​നാ​ൽ പാ​ലം ഗ​താ​ഗ​ത​ത്തി​നു തു​റ​ന്നു​കൊ​ടു​ക്കാ​നാ​യി​രു​ന്നി​ല്ല. ഇ​ത് ഏ​റെ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കു​ക​യും ചെ​യ്തു. ഇ​തി​നി​ടെ പാ​ല​ത്തി​ന്‍റെ ഒ​ള​മ​റ്റം ഭാ​ഗ​ത്തെ അ​പ്രോ​ച്ച് റോ​ഡ് നി​ർ​മാ​ണം പി.​ജെ. ജോ​സ​ഫ് എം​എ​ൽ​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്ന് 1.80 കോ​ടി ഉ​പ​യോ​ഗി​ച്ച് പൂ​ർ​ത്തി​യാ​ക്കി.

അ​പ്രോ​ച്ച് റോ​ഡി​നു​ള്ള സ്ഥ​ല​മെ​ടു​പ്പ് പൂ​ർ​ത്തി​യാ​യി ര​ണ്ടു​വ​ർ​ഷം ക​ഴി​ഞ്ഞ​പ്പോ​ൾ ഇ​വി​ടെ റോ​ഡ് നി​ർ​മാ​ണം പൂ​ർ​ത്തി​യാ​ക്കാ​നാ​യി. എ​ന്നാ​ൽ കാ​ഞ്ഞി​ര​മ​റ്റം ഭാ​ഗ​ത്തെ സ്ഥ​ല​മെ​ടു​പ്പു ന​ട​പ​ടി​ക​ൾ വൈ​കി​യ​താ​ണ് ഇ​വി​ടെ അ​പ്രോ​ച്ച് റോ​ഡ് നി​ർ​മാ​ണം വൈ​കാ​നി​ട​യാ​ക്കി​യ​ത്. ഒ​ടു​വി​ൽ സ്ഥ​ല​മേ​റ്റെ​ടു​പ്പ് ന​ട​പ​ടി​ക​ൾ പൂ​ർ​ത്തി​യാ​ക്കി അ​പ്രോ​ച്ച് റോ​ഡ് നി​ർ​മാ​ണ​ത്തി​നു തു​ട​ക്ക​മാ​യ​തോ​ടെ പാ​ലം ഉ​ട​ൻ​ത​ന്നെ ഗ​താ​ഗ​ത​ത്തി​നാ​യി തു​റ​ക്കു​മെ​ന്ന പ്ര​തീ​ക്ഷ​യി​ലാ​ണ് ജ​ന​ങ്ങ​ൾ. 90 ല​ക്ഷം രൂ​പ​യാ​ണ് അ​പ്രോ​ച്ച് റോ​ഡ് നി​ർ​മാ​ണ​ത്തി​നാ​യി അ​നു​വ​ദി​ച്ചി​രി​ക്കു​ന്ന​ത്. 12 മീ​റ്റ​ർ വീ​തി​യി​ലാ​ണ് റോ​ഡ് നി​ർ​മി​ക്കു​ന്ന​ത്.

അ​പ്രോ​ച്ച് റോ​ഡ് നി​ർ​മാ​ണം പൂ​ർ​ത്തി​യാ​ക്കി പാ​ലം തു​റ​ന്നു​കൊ​ടു​ത്താ​ൽ പ്ര​ദേ​ശ​ത്തി​ന്‍റെ വി​ക​സ​ന​ത്തി​നു​ത​ന്നെ വ​ഴി ഒ​രു​ക്കു​മെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്. കാ​ഞ്ഞി​ര​മ​റ്റം, കീ​രി​കോ​ട്, തെ​ക്കും​ഭാ​ഗം, അ​ഞ്ചി​രി ഉ​ൾ​പ്പെ​ടെ​യു​ള്ള മേ​ഖ​ല​ക​ളി​ലെ ജ​ന​ങ്ങ​ൾ​ക്ക് ഇ​ത് ഏ​റെ പ്ര​യോ​ജ​ന​പ്പെ​ടും. ഇ​തി​നു പു​റ​മേ കാ​രി​ക്കോ​ട് - ചു​ങ്കം ബൈ​പാ​സും പൂ​ർ​ത്തി​യാ​ക്കി​യാ​ൽ തൊ​ടു​പു​ഴ​യു​ടെ കി​ഴ​ക്ക​ൻ മേ​ഖ​ല​യി​ലു​ള്ള ഒ​ൻ​പ​തു പ​ഞ്ചാ​യ​ത്തു​ക​ളി​ലു​ള്ള​വ​ർ​ക്ക് ഉ​പ​കാ​ര​പ്ര​ദ​മാ​കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു.

കാ​രി​ക്കോ​ട് - മു​ത​ലി​യാ​ർ മ​ഠം - മാ​രി​യി​ൽ​ക്ക​ലു​ങ്ക് - ഡി​വൈ​ൻ മേ​ഴ്സി ഷ്റൈ​ൻ വ​ഴി ചു​ങ്ക​ത്തെ​ത്തു​ന്ന രീ​തി​യി​ലാ​ണ് ബൈ​പാ​സ്. കാ​രി​ക്കോ​ടു​നി​ന്ന് മാ​രി​യി​ൽ ക​ലു​ങ്ക് വ​രെ​യു​ള്ള ഭാ​ഗം പൂ​ർ​ണ​മാ​യും പു​തി​യ അ​ലൈ​ൻ​മെ​ന്‍റി​ലാ​ണ് വി​ഭാ​വ​നം ചെ​യ്തി​രി​ക്കു​ന്ന​ത്. ഒ​രു വീ​ട് മാ​ത്ര​മേ ബൈ​പാ​സി​ന്‍റെ അ​ലൈ​ൻ​മെ​ന്‍റി​നു​ള്ളി​ൽ വ​രു​ന്നു​ള്ളൂ. ബൈ​പാ​സി​ന്‍റെ ഈ ​ഭാ​ഗം മു​ഴു​വ​ൻ പു​തി​യ റോ​ഡ് നി​ർ​മി​ക്കാ​ൻ ആ​ണ് വി​ഭാ​വ​നം ചെ​യ്തി​ട്ടു​ള്ള​ത്. റോ​ഡ് ക​ട​ന്നു​പോ​കു​ന്ന ഭാ​ഗ​ത്തെ ഭൂ ​ഉ​ട​മ​ക​ളു​ടെ പി​ന്തു​ണ​യോ​ടെ​യാ​ണ് റോ​ഡി​ന്‍റെ അ​ലൈ​ൻ​മെ​ന്‍റ് ത​യാ​റാ​ക്കി​യി​രി​ക്കു​ന്ന​ത്.

എ​ന്നാ​ൽ പാ​ല​ത്തി​ന്‍റെ അ​പ്രോ​ച്ച് റോ​ഡി​ന് 12 മീ​റ്റ​ർ മാ​ത്ര​മു​ള്ള​തി​നാ​ൽ ഇ​വി​ടെ ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കി​യേ​ക്കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. കാ​ഞ്ഞി​ര​മ​റ്റം -തൊ​ടു​പു​ഴ റോ​ഡ് മി​ക​ച്ച രീ​തി​യി​ലാ​ണ് നി​ർ​മി​ച്ചി​രി​ക്കു​ന്ന​തെ​ങ്കി​ലും ഇ​തി​നു മ​തി​യാ​യ വീ​തി​യി​ല്ല.

അ​തി​നാ​ൽ ഇ​രു ഭാ​ഗ​ത്തു നി​ന്നും മാ​രി​യി​ൽ ക​ലു​ങ്ക് പാ​ല​ത്തി​ൽ​നി​ന്നും വാ​ഹ​ന​ങ്ങ​ൾ എ​ത്തു​ന്ന​തോ​ടെ ഇ​വി​ടെ ഗ​താ​ഗ​ത ത​ട​സം ഉ​ണ്ടാ​കു​മെ​ന്നു​റ​പ്പാ​ണ്.

അ​പ്രോ​ച്ച് റോ​ഡി​നാ​യി സ്ഥ​ല​മേ​റ്റെ​ടു​ത്ത​പ്പോ​ൾ ഏ​താ​നും മീ​റ്റ​ർ കൂ​ടി ഏ​റ്റെ​ടു​ത്താ​ൽ സു​ഗ​മ​മാ​യ സ​ഞ്ചാ​രം ഉ​റ​പ്പാ​ക്കാ​ൻ ക​ഴി​യു​മാ​യി​രു​ന്നെ​ന്ന് നാ​ട്ടു​കാ​ർ പ​റ​ യു​ന്നു.