തൊ​ടു​പു​ഴ: പു​തി​യ അ​ധ്യ​യ​ന​വ​ർ​ഷം ആ​രം​ഭി​ക്കാ​ൻ ര​ണ്ടാ​ഴ്ച ബാ​ക്കി നി​ൽ​ക്കെ സ്കൂ​ളു​ക​ളി​ലേ​ക്ക് വി​ദ്യാ​ർ​ഥി​ക​ളെ വ​ര​വേ​ൽ​ക്കാ​നു​ള്ള മു​ന്നൊ​രു​ക്ക​ങ്ങ​ൾ പു​രോ​ഗ​മി​ക്കു​ന്നു.

സ്കൂ​ൾ കെ​ട്ടി​ട​ങ്ങ​ളു​ടെ അ​റ്റ​കു​റ്റ​പ്പ​ണി​ക​ളും മോ​ടി​പി​ടി​പ്പി​ക്കു​ന്ന ജോ​ലി​ക​ളും മ​ഴ​ക്കാ​ല​പൂ​ർ​വ ശു​ചീ​ക​ര​ണ​വും വേ​ഗ​ത്തി​ൽ പൂ​ർ​ത്തി​യാ​ക്ക​ണ​മെ​ന്ന് സ്കൂ​ൾ അ​ധി​കൃ​ത​ർ​ക്ക് വി​ദ്യാ​ഭ്യാ​സ വ​കു​പ്പ് നി​ർ​ദേ​ശം ന​ൽ​കി.

സ്കൂ​ളും പ​രി​സ​ര​വും വൃ​ത്തി​യാ​ക്കു​ക, മ​ലി​ന ജ​ലം ഒ​ഴു​ക്കി​ക്ക​ള​യാ​നു​ള്ള സം​വി​ധാ​നം ക്ര​മീ​ക​രി​ക്കു​ക, സ്കൂ​ൾ പ​രി​സ​ര​ത്ത് അ​പ​ക​ട​ക​ര​മാ​യ വി​ധ​ത്തി​ൽ നി​ൽ​ക്കു​ന്ന മ​ര​ങ്ങ​ളും മ​ര​ശി​ഖ​ര​ങ്ങ​ളും വെ​ട്ടി​നീ​ക്കു​ക എ​ന്നീ നി​ർ​ദേ​ശ​ങ്ങ​ൾ വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ന​ൽ​കി​യി​ട്ടു​ണ്ട്. മു​ന്നൊ​രു​ക്ക​ങ്ങ​ൾ വി​ല​യി​രു​ത്തു​ന്ന​തി​നാ​യി ഉ​പ ജി​ല്ലാ​ത​ല​ത്തി​ൽ പ്ര​ഥ​മാ​ധ്യാ​പ​ക​രു​ടെ യോ​ഗ​വും വി​ളി​ച്ചു ചേ​ർ​ത്തി​രു​ന്നു.

സ്കൂ​ളു​ക​ൾ തു​റ​ക്കു​ന്ന​തി​നു മു​ൻ​പു​ത​ന്നെ കെ​ട്ടി​ട​ങ്ങ​ളു​ടെ ഫി​റ്റ്ന​സ് സ​ർ​ട്ടി​ഫി​ക്ക​റ്റ് അ​ത​ത് ത​ദ്ദേ​ശ സ്ഥാ​പ​ന​ങ്ങ​ളി​ൽ​നി​ന്നു വാ​ങ്ങി സൂ​ക്ഷി​ക്ക​ണ​മെ​ന്നും നി​ർ​ദേ​ശ​മു​ണ്ട്. മി​ക്ക സ്കൂ​ളു​ക​ളി​ലും ഒ​രു​ക്ക​ങ്ങ​ൾ അ​വ​സാ​ന ഘ​ട്ട​ത്തി​ലേ​ക്ക് ക​ട​ന്നു. സ്കൂ​ൾ കെ​ട്ടി​ട​ങ്ങ​ളു​ടെ പെ​യി​ന്‍റിം​ഗ്, ചു​മ​രു​ക​ളി​ൽ ചി​ത്ര​ങ്ങ​ൾ വ​ര​യ്ക്ക​ൽ എ​ന്നി​ങ്ങ​നെ​യു​ള്ള ജോ​ലി​ക​ൾ പ​ല സ്കൂ​ളു​ക​ളി​ലും ന​ട​ന്നു​വ​രു​ന്നു​ണ്ട്. അ​ടു​ത്ത ദി​വ​സ​ങ്ങ​ളി​ൽ സ്കൂ​ളും പ​രി​സ​ര​വും വൃ​ത്തി​യാ​ക്ക​ൽ ആ​രം​ഭി​ക്കും.

പ​ല സ്കൂ​ളു​ക​ളി​ലും കി​ണ​ർ, ടാ​ങ്ക് ശു​ചീ​ക​ര​ണം, കാ​ടു തെ​ളി​ക്ക​ൽ, പ​രി​സ​രം അ​ണു​വി​മു​ക്ത​മാ​ക്ക​ൽ, പാ​ച​ക​പ്പു​ര വൃ​ത്തി​യാ​ക്ക​ൽ, പ​രി​സ​ര​ത്തെ അ​പ​ക​ടാ​വ​സ്ഥ​യി​ലു​ള്ള മ​ര​ങ്ങ​ളും മ​ര​ച്ചി​ല്ല​ക​ളും മു​റി​ച്ചു നീ​ക്ക​ൽ എ​ന്നി​ങ്ങ​നെ​യു​ള്ള ജോ​ലി​ക​ൾ ആ​രം​ഭി​ച്ചി​ട്ടി​ല്ല. സ്കൂ​ളു​ക​ൾ അ​ട​ഞ്ഞു​കി​ട​ക്കു​ന്ന​തി​നാ​ൽ കെ​ട്ടി​ട​ങ്ങ​ളി​ൽ ഇ​ഴ ജ​ന്തു​ക്ക​ൾ വാ​സ​മു​റ​പ്പി​ച്ചി​ട്ടി​ല്ലെ​ന്ന് ഉ​റ​പ്പാ​ക്ക​ണ​മെ​ന്നും നി​ർ​ദേ​ശ​മു​ണ്ട്.

മോ​ട്ടോ​ർ വാ​ഹ​ന​വ​കു​പ്പി​ന്‍റെ നേ​തൃ​ത്വ​ത്തി​ൽ ജി​ല്ല​യി​ലെ സ്കൂ​ൾ വാ​ഹ​ന​ങ്ങ​ളു​ടെ സു​ര​ക്ഷാ പ​രി​ശോ​ധ​ന അ​ടു​ത്ത ദി​വ​സം​ത​ന്നെ ആ​രം​ഭി​ക്കും. എ​ല്ലാ വാ​ഹ​ന​ങ്ങ​ളു​ടെ​യും സു​ര​ക്ഷാ പ​രി​ശോ​ധ​ന ന​ട​ത്തി കു​ട്ടി​ക​ളു​ടെ സു​ര​ക്ഷി​ത​ത്വം ഉ​റ​പ്പാ​ക്കും. ഇ​തോ​ടൊ​പ്പം​ത​ന്നെ സ്കൂ​ൾ വാ​ഹ​ന​ങ്ങ​ൾ ഓ​ടി​ക്കു​ന്ന​വ​ർ​ക്ക് ബോ​ധ​വ​ത്ക​ര​ണ ക്ലാ​സു​ക​ളും ന​ട​ത്തും.

സ്കൂ​ൾ തു​റ​ന്ന​തി​നു ശേ​ഷ​വും വി​വി​ധ സ്ക്വാ​ഡു​ക​ൾ പ​രി​ശോ​ധ​ന ന​ട​ത്തും. പാ​ഠ​പു​സ്ത​ക വി​ത​ര​ണ​വും പൂ​ർ​ത്തി​യാ​യ​താ​യി അ​ധി​കൃ​ത​ർ അ​റി​യി​ച്ചു.

സ്കൂ​ൾ വി​പ​ണി​യും
ഉ​ണ​ർ​ന്നു

തൊ​ടു​പു​ഴ: സ്കൂ​ൾ വി​പ​ണി​ക​ളി​ലും തി​ര​ക്കേ​റി വ​രി​ക​യാ​ണ്. വി​ദ്യാ​ർ​ഥി​ക​ൾ​ക്കാ​യി പു​ത്ത​ൻ ട്രെ​ൻ​ഡു​ക​ളാ​ണ് സ്കൂ​ൾ വി​പ​ണി​ക​ൾ ഒ​രു​ക്കി​യി​രി​ക്കു​ന്ന​ത്. ബാ​ഗ്, കു​ട, ല​ഞ്ച് ബോ​ക്സ്, വാ​ട്ട​ർ ബോ​ട്ടി​ൽ, ചെ​രി​പ്പ്, ഷൂ​സ്, നോ​ട്ട്ബു​ക്ക്, പേ​ന, പെ​ൻ​സി​ൽ, നെ​യിം​സ്ലി​പ് തു​ട​ങ്ങി സ്കൂ​ൾ​കു​ട്ടി​ക​ൾ​ക്ക് ആ​വ​ശ്യ​മാ​യ​തെ​ല്ലാം വി​പ​ണി​യി​ൽ എ​ത്തി​യി​ട്ടു​ണ്ട്.

സ്കൂ​ൾ തു​റ​ക്കു​ന്പോ​ൾ വ്യാ​പാ​രി​ക​ൾ ഏ​റെ പ്ര​തീ​ക്ഷ വ​യ്ക്കു​ന്ന​ത് സ്കൂ​ൾ ബാ​ഗു​ക​ളി​ലും കു​ട​ക​ളി​ലു​മാ​ണ്.

വ​ർ​ണ​ക്കു​ട​ക​ളും സൂ​പ്പ​ർ​ഹീ​റോ​ക​ളു​ടെ​യും കാ​ർ​ട്ടൂ​ണ്‍ താ​ര​ങ്ങ​ളു​ടെ​യും ചി​ത്ര​ങ്ങ​ളു​ള്ള ബാ​ഗു​ക​ളു​മെ​ല്ലാം ക​ട​ക​ളി​ൽ നി​ര​ന്നു​ക​ഴി​ഞ്ഞു. ബാ​ഗ്, കു​ട വി​പ​ണി​യി​ൽ വ​ൻ​കി​ട ബ്രാ​ൻ​ഡു​ക​ൾ ത​മ്മി​ലാ​ണ് മ​ത്സ​രം.

ബ്രാ​ൻ​ഡ​ഡ് ഉ​ത്പ​ന്ന​ങ്ങ​ൾ​ക്ക് വി​ല കൂ​ടു​ത​ലാ​ണെ​ങ്കി​ലും ഗു​ണ​മേ​ൻ​മ​യും സൗ​ജ​ന്യ​ങ്ങ​ളും ഗാ​ര​ന്‍റി​യു​മെ​ല്ലാം ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കു​ന്നു. ബാ​ഗ് ബ്രാ​ൻ​ഡ് അ​നു​സ​രി​ച്ച് ശ​രാ​ശ​രി 500 മു​ത​ൽ 2,500 രൂ​പ വ​രെ​യാ​ണ് വി​ല. കു​റ​ഞ്ഞ ബാ​ഗു​ക​ൾ 350 രൂ​പ മു​ത​ൽ ല​ഭ്യ​മാ​ണ്. വി​വി​ധ വ​ർ​ണ​ങ്ങ​ളി​ലു​ള്ള​തും ചി​ത്ര​ങ്ങ​ൾ ഉ​ള്ള​തു​മാ​യ കു​ട​ക​ൾ​ക്കാ​ണ് കു​ട്ടി​ക​ൾ​ക്കി​ട​യി​ൽ പ്രി​യം. 350 രൂ​പ മു​ത​ലാ​ണ് കു​ട​ക​ളു​ടെ വി​ല. മൂ​ന്ന്, അ​ഞ്ച് ഫോ​ൾ​ഡ​റു​ക​ളു​ള്ള കു​ട​ക​ൾ​ക്കും പ്രാ​യ​വ്യ​ത്യാ​സ​മി​ല്ലാ​തെ ഉ​പ​യോ​ഗി​ക്കു​ന്ന കാ​ല​ൻ​കു​ട​ക​ൾ​ക്കും ആ​വ​ശ്യ​ക്കാ​രേ​റെ​യു​ണ്ട്.

കു​ട്ടി​ക​ളു​ടെ മ​ഴ​ക്കോ​ട്ടു​ക​ൾ​ക്ക് 200 രൂ​പ മു​ത​ലാ​ണ് വി​ല. ല​ഞ്ച് ബോ​ക്സു​ക​ൾ 250 രൂ​പ മു​ത​ൽ ല​ഭ്യ​മാ​ണ്. കൂ​ടു​ത​ൽ ആ​വ​ശ്യ​ക്കാ​രു​ള്ള സ്റ്റീ​ൽ വാ​ട്ട​ർ ബോ​ട്ടി​ലു​ക​ൾ​ക്ക് 300 രൂ​പ​യി​ലാ​ണ് വി​ല തു​ട​ങ്ങു​ന്ന​ത്. കാ​ർ​ട്ടൂ​ണ്‍ ക​ഥാ​പാ​ത്ര​ങ്ങ​ളു​ടെ​യും കാ​റി​ന്‍റെ​യും ബ​സി​ന്‍റെ​യും രൂ​പ​ത്തി​ലു​ള്ള പെ​ൻ​സി​ൽ ബോ​ക്സു​ക​ളാ​ണ് സ്കൂ​ൾ വി​പ​ണി​യി​ലെ മ​റ്റൊ​രു ആ​ക​ർ​ഷ​ണം. 30 മു​ത​ൽ 150 രൂ​പ വ​രെ​യാ​ണ് പെ​ൻ​സി​ൽ ബോ​ക്സു​ക​ളു​ടെ വി​ല. സ്കൂ​ൾ വി​പ​ണി​യി​ൽ അ​ടു​ത്ത ദി​വ​സ​ങ്ങ​ളി​ൽ തി​ര​ക്കേ​റു​മെ​ന്നാ​ണ് വ്യാ​പാ​രി​ക​ളു​ടെ പ്ര​തീ​ക്ഷ. അ​തേ​സ​മ​യം, ആ​ളു​ക​ൾ കൂ​ടു​ത​ലാ​യി ഓ​ണ്‍​ലൈ​ൻ പ്ലാ​റ്റ്ഫോ​മു​ക​ളി​ൽ​നി​ന്ന് സാ​ധ​ന​ങ്ങ​ൾ വാ​ങ്ങു​ന്ന​ത് ക​ച്ച​വ​ട​ത്തെ ബാ​ധി​ക്കു​മോ​യെ​ന്ന ആ​ശ​ങ്ക​യും ചെ​റു​കി​ട വ്യാ​പാ​രി​ക​ൾ​ക്കു​ണ്ട്.